ભારત સરકારના આયુષ મંત્રાલય હેઠળની સંસ્થા સેન્ટ્રલ કાઉન્સિલ ફોર રિસર્ચ ઇન આયુર્વેદિક સાયન્સ (CCRAS) દ્વારા વિવિધ ગ્રુપ A, B અને C પદો માટે નવી ભરતી જાહેર કરવામાં આવી છે. આ ભરતી હેઠળ સંશોધન અધિકારી, સ્ટાફ નર્સ, યુડીસી, એલડીસી, MTS અને અન્ય ઘણી ટેકનિકલ અને નોન-ટેકનિકલ જગ્યાઓ ભરવા માટે જાહેરાત આપવામાં આવી છે. તો આ તમામ પોસ્ટ્સ માટે લાયકાત શું છે? કેટલી જગ્યાઓ ખાલી છે? પગાર કેટલો મળશે? અરજી કરવાની છેલ્લી તારીખ કઈ છે? અને અરજી કરવાની પ્રક્રિયા કેવી છે? આ તમામ મહત્વના મુદ્દાઓ આપણે આ લેખમાં સરળ અને સ્પષ્ટ ભાષામાં સમજીશું, જેથી યોગ્ય લાયકાત ધરાવતા ઉમેદવારો સમયસર અને યોગ્ય રીતે અરજી કરી શકે. જો તમે આરોગ્ય, સંશોધન, કે વહીવટી ક્ષેત્રે નોકરી શોધી રહ્યા હોવ તો CCRAS દ્વારા આપવામાં આવેલી આ ભરતી તમારી માટે ઉત્તમ તક બની શકે છે.
મહત્વની તારીખ
CCRAS ભરતી માટે ઉમેદવારો 1 ઓગસ્ટ 2025થી ઓનલાઈન અરજી કરી શકશે. અરજી કરવાની છેલ્લી તારીખ 31 ઓગસ્ટ 2025 છે. એટલે કે, ઉમેદવારો પાસે કુલ 31 દિવસનો સમય રહેશે. છેલ્લા દિવસે રાત્રે 11:59 વાગ્યા સુધી ફોર્મ ભરવાની છેલ્લી તક મળશે. પરીક્ષા અથવા ઇન્ટરવ્યુની ચોક્કસ તારીખ હજુ જાહેર કરવામાં આવી નથી પણ તે ટૂંક સમયમાં CCRAS ની વેબસાઈટ પર ઉપલબ્ધ થશે.
તમામ પોસ્ટના નામ
આ ભરતી હેઠળ કુલ 394 જગ્યાઓ માટે અલગ અલગ પોસ્ટ્સ બહાર પાડવામાં આવી છે, જે ત્રણ અલગ ગ્રુપમાં વહેંચાયેલી છે – ગ્રુપ A, ગ્રુપ B અને ગ્રુપ C. ગ્રુપ Aમાં મુખ્યત્વે સંશોધન અધિકારી જેવી ઉચ્ચ પદોની જગ્યા છે. ગ્રુપ Bમાં સહાયક સંશોધન અધિકારી, સ્ટાફ નર્સ, અનુવાદક વગેરે છે. જ્યારે ગ્રુપ Cમાં LDC, UDC, MTS, સ્ટેનોગ્રાફર, ફાર્માસિસ્ટ, લેબ એટેન્ડન્ટ જેવી ટેકનિકલ અને ક્લેરિકલ પોસ્ટ્સ છે.
તમામ પોસ્ટ માટે ખાલી જગ્યા
આ ભરતીમાં કુલ 394 જગ્યાઓ છે. તેમાં ગ્રુપ A માટે 21 જગ્યાઓ, ગ્રુપ B માટે 63 જેટલી જગ્યાઓ અને ગ્રુપ C માટે સૌથી વધુ એટલે કે 310 જગ્યાઓ ખાલી છે. જેમાં સૌથી વધુ ભરતી MTS (મલ્ટી ટાસ્કિંગ સ્ટાફ) કુલ 179 જગ્યાઓ માટે છે. અન્ય મોટા પદોમાં અપર ડિવિઝન ક્લાર્ક માટે 39, લોઅર ડિવિઝન ક્લાર્ક માટે 37, ફાર્માસિસ્ટ માટે 12, અને સ્ટાફ નર્સ માટે 14 જગ્યાઓ ઉપલબ્ધ છે.
તમામ પોસ્ટ માટે પગાર
પગાર પોસ્ટ પ્રમાણે અલગ અલગ રહેશે. ગ્રુપ A ના પદો માટે પગાર મહત્તમ હોવાથી તેમાં પાંચમા અથવા છઠ્ઠા પગાર પંચ મુજબ ઉંચા ગ્રેડ પે અને DA નો સમાવેશ થઇ શકે છે. ગ્રુપ B અને Cમાં પગાર સ્તર સામાન્ય રીતે ₹19,900 થી શરૂ થાય છે અને ₹1,42,400 સુધી જઈ શકે છે, જે પોસ્ટના પ્રકાર અને ગ્રેડ પર આધાર રાખે છે. CCRAS દ્વારા સત્તાવાર નોટિફિકેશનમાં દરેક પદ માટેના પગારની માહિતી આપવામાં આવી છે.
તમામ પોસ્ટ માટે વયમર્યાદા
CCRAS ભરતીમાં વયમર્યાદા પણ દરેક પદ માટે અલગ અલગ છે. સામાન્ય રીતે ગ્રુપ A પદો માટે ઉંમર મર્યાદા 40 વર્ષ સુધી હોઈ શકે છે, જ્યારે ગ્રુપ B માટે 35 વર્ષ અને ગ્રુપ C માટે 18 થી 27 વર્ષ વચ્ચે હોય છે. SC/ST/OBC/PH/મહિલા ઉમેદવારોને સરકારશ્રીના નિયમો મુજબ ઉંમરમાં છૂટછાટ આપવામાં આવશે.
તમામ પોસ્ટ માટે લાયકાત
પોસ્ટ મુજબ શૈક્ષણિક લાયકાત અલગ છે. જેમ કે, ગ્રુપ A માટે ઉમેદવાર પાસે સંબંધિત વિષયમાં પોસ્ટગ્રેજ્યુએશન ડિગ્રી હોવી જરૂરી છે. ગ્રુપ B માટે બેચલર ડિગ્રી, નર્સિંગ ડિગ્રી, ડિપ્લોમા વગેરે જોઈએ. ગ્રુપ C માટે ફક્ત 10મું, 12મું, ડિપ્લોમા અથવા ટેક્નિકલ કોર્સ પાસ હોવું જરૂરી છે. MTS માટે 10મું ધોરણ પૂરતું ગણવામાં આવ્યું છે.
પસંદગી પ્રક્રિયા
CCRAS ભરતી માટે પસંદગી પ્રક્રિયામાં સૌથી પહેલાં CBT (Computer Based Test) એટલે કે ઓનલાઇન લેખિત પરીક્ષા લેવાશે. કેટલાક પદો માટે કૌશલ્ય કસોટી પણ લેવાશે, જેમ કે સ્ટેનોગ્રાફર માટે ટાઇપિંગ ટેસ્ટ. પછી યોગ્ય ઉમેદવારને ઇન્ટરવ્યુ માટે બોલાવવામાં આવશે. પસંદગી થયા બાદ દસ્તાવેજ ચકાસણી અને તબીબી પરીક્ષા પણ કરવામાં આવશે. આખરે ફાઇનલ મેરિટ મુજબ પસંદગી થશે.
જરૂરી ડોક્યુમેન્ટસ
ફોર્મ ભરતી વખતે અને ત્યારબાદ દસ્તાવેજ ચકાસણી વખતે ઉમેદવારોએ નીચેના દસ્તાવેજો તૈયાર રાખવા:
- ઓળખપત્ર (આધાર કાર્ડ/પાન કાર્ડ)
- શૈક્ષણિક લાયકાતના પ્રમાણપત્રો (10મું, 12મું, ડિગ્રી/ડિપ્લોમા)
- પાસપોર્ટ સાઇઝ ફોટોગ્રાફ
- હસ્તાક્ષર સ્કેન કોપી
- કેટેગરી પ્રમાણપત્ર (SC/ST/OBC/EWS માટે)
- અનુભવ પ્રમાણપત્ર (જો લાગુ પડતું હોય તો)
બધા દસ્તાવેજો યોગ્ય ફોર્મેટમાં હોવા જોઈએ અને ફોર્મ ભરતી વખતે અપલોડ કરવાની રહેશે.
અરજી ફી
આ ભરતી માટે અરજી ફી પણ ગ્રુપ પ્રમાણે અલગ છે. જો તમે સામાન્ય (General) કે OBC વર્ગના છો તો ગ્રુપ A માટે ₹1500, ગ્રુપ B માટે ₹500 અને ગ્રુપ C માટે ₹200 ફી ભરવી પડશે. જ્યારે SC/ST/EWS/PH વર્ગના તમામ ઉમેદવારો અને તમામ કેટેગરીની મહિલા ઉમેદવારોએ ફી ભરવાની જરૂર નથી, એટલે કે તેમનાથી કોઈ ફી લેવામાં નહીં આવે. ફી ઓનલાઈન મોડમાં ભરવી પડશે.
અરજી પ્રક્રિયા
CCRAS ભરતી માટે અરજી પ્રક્રિયા સંપૂર્ણપણે ઓનલાઇન છે. ઉમેદવારોએ CCRAS ની સત્તાવાર વેબસાઇટ www.ccras.nic.in પર જઈને ઑનલાઇન અરજી ફોર્મ ભરવાનું રહેશે. ફોર્મ 1 ઓગસ્ટથી ચાલુ થશે અને છેલ્લી તારીખ 31 ઓગસ્ટ છે. અરજી કરતા પહેલા સૂચનામાં આપેલી તમામ માહિતી જાણવી જરૂરી છે. ફોર્મ ભર્યા બાદ અરજી ફી ઓનલાઈન પદ્ધતિથી ભરી શકાય છે. ફોર્મ સબમિટ કર્યા પછી તેની પ્રિન્ટ કાઢવી અને સાચવી રાખવી જે ભવિષ્યમાં તમે ઇન્ટરવ્યૂ કે પરીક્ષા આપવા જશો ત્યારે કામ લાગશે.
અરજી કરવા માટે જરૂરી લિંક
| નોટિફિકેશન તથા અરજી કરવા માટે | અહીં ક્લિક કરો |
| અન્ય ભરતીની માહિતી માટે | અહીં ક્લિક કરો |
નોંધ: અહીં આપવામાં આવેલ માહિતી ફક્ત જાણકારી માટે છે. અરજી કરતા પહેલા સત્તાવાર વેબસાઈટ વિઝીટ કરી માહિતીની ખરાઈ કરી લેવા વિનંતી.